Verlange

I spent six months of the lockdown period in the safe arms of Cambodia. A country I continue to love deeply. Constant reminders of a life in South Africa seeped through the vegetation. The sunsets. The dust. The scent of wood fires. 

An intense longing for Africa called me to write this poem. In Afrikaans.

Ek verlang so …

Na die Weskus se wind

Na die Karoo se woestyne

Na die torings van die Drakensberge

Ek verlang so …

Na die stormagtige see van die Kaap

Na die bosveld in die noorde

Na winter in die suide

Ek verlang so …

Na die nat grond wat reënbuie agterlaat

Na Afrika se doringbome

Na alles wat die natuur is

Ek verlang so …

Na die klop van Afrika se dromme

Na die stilte met sonsondergaan

Na die geluide van die nag

Ek verlang so …

Na die dans van die flamink

Na die gille van die visarende tydens vlug

Na die trompetgeskal van olifante

Ek verlang so …

Na pannekoek gesmoor met suiker en kaneel

Na bobotie en blatjang

Na ons kosbare melktert

Ek verlang so …

Na die reuk snags van n kampvuur

Na my blik koffie met kondensmelk

Na gebraaide boerewors en vleis

Ek verlang so …

Na die dans van die mense in Namakwaland

Na die penniefluitjie wat sy soet klank deur almal se are laat vloei

Na die gesang van Afrika se stemme

Ek verlang so …

Na eensame kremetartbome in die wildtuin

Na die vryheid van ons plaas Ruimzicht

Na die modderhutte en stokspeletjies

Ek verlang so …

Na die spierwit wolke en die gebrul van donderweer

Na die ope vlaktes wat verlig word met weerlig

Na groen lande en grondpaaie

Ek verlang so …

Na suiwer Afrikaans soos net Le Roux kan praat

Na ou dae se stories rondom die kaggelvuur 

Na tesame wees

Ek verlang so …

Na Modjaji

Na die ou mense van Afrika

Na die liefdevolle geselskap en vriendelikheid

Ek verlang so …

Na die plek waar ek eendag my hoed sal neersit

Na die kennis dat dit reg is

Na die gevoel van behoortenis

Thank you to my sister Karen, for her wonderful photo of a windmill.